GYANJYOTI

  ନମସ୍କାର ବନ୍ଧୁଗଣ ନୁଆ ବର୍ଷର ଶୁଭକାମନା ଓ ଶୁଭେଚ୍ଛା 2020/2021 ତ  ସମସ୍ତଙ୍କୁ ସୁଖ  ଦୁଃଖ ଆଉ ଶୋକ ରେ  ଦେଇଚାଲୀଗଲା  2 022ରେ ଆଣପ ଆଉ ଆପଣଙ୍କ ର ଶପରିବାରଙ୍କ ପାଇଁ ମଙ୍ଗଳ କାମନା କରୁଛି କେଉଁ କଥା ଫସର ଫସା ? ତଗ ତମାଳି ଓକିଲ ଯେବେଟି ନଜାଣେ ଫାନ୍ଦି  ନୂଆ ବୋହୂ ଯେବେ ନଜାଣେ ରାନ୍ଧି।।  ଚାକର ନଜାଣେ ଚାଟୁ ବଚନ।  ଯେତେ ଗୁଣି ହେଲେ ସେ ଅକାରଣ। ଘୁଷୁରିକି କାହିଁ ପାଚିଲା କଦଳୀ ଅନ୍ଧହସ୍ତେ ରତ୍ନ ମୁଦି , ପେଚା ଚଢ଼େଇକି ସୁବର୍ଣ୍ଣ ପଞ୍ଜୁରୀ କୋରଡ଼ ସୁମରୀ କାନ୍ଦି ।।  ପାଇକ ହୋଇ ଚରଣ ଫାଟୁଆ । ଅନ୍ଧହସ୍ତେ ହୋଇ ଚାଲଇ ମଠୁଆ।।  ଗାୟକ ହୋଇ କଣ୍ଠ ମୋଟୁଆ । କହେ ଦନେଇ ଏ ଛୋଟପଣିଆ ।।  ତନ୍ତୀ ହୋଇ ଯେବେ ଖାଇଲା ନିଶା । ଚଷା ହୋଇ ଯେବେ ଖେଳିଲା ପଶା ।।  ଯୋଦ୍ଧା ହୋଇ ଯେବେ ରଖୁଲା ବେଶ୍ୟା । ବେଉଷା ତାଙ୍କର ଫସଲ ଫସା ।।  ଫୁଲ ହୋଇ ଯେବେ ନଥାଏ ବାସ।  ଫୁଲାଣିଆ ଯେବେ ହୁଏ ନରେଶ ।। ଫନ୍ଦା କରି ଯେବେ କରଇ ହେଳା । କହେ ଦନାଇ ତା ବୁଡ଼ିଲା ଭେଳା ।।  ନଦୀ ହୋଇ ଯେବେ ନଥାଏ ଜଳ । ଗ୍ରାମ ହୋଇ ନାହିଁ ଗୋଳ ଚହଳ ।  ଯୁବାସ୍ତରୀ ମୁଣ୍ଡେ ନଥାଏ ବାଳ।  କହେ ଦନେଇ ଏକଥା ନିଷ୍ଫଳ ।। ପରଶୁଣୀ ହୋଇ ସଭାରେ ଖଣ୍ଡେ।  ରାଣ୍ଡ ହୋଇ ଯଦି ଦେହକୁ ମଣ୍ଡେ ।। ଦବ ଦବ ବୋଲି ନିଜତି ଭଣ୍ଡେ । ଏ ତିନିଜଣଙ୍କୁ ଦଇବ ଦଣ୍ଡେ ।।...

ଅଜ୍ଞାତ ଶକ୍ତିକୁ ଭୟ କାହିଁକି ?   ଭୟ ପ୍ରତ୍ୟେକ ପ୍ରାଣୀର ଏକ ସହଜାତ ପ୍ରବୃତ୍ତି । ମଣିଷ ବ୍ୟତୀତ ଅନ୍ୟାନ୍ୟ ପ୍ରାଣୀ , କେବେଳ ଆତ୍ମସୁରକ୍ଷା ପାଇଁ ଭୟ କରିଥାନ୍ତି । ମଣିଷର ଭୟ କିନ୍ତୁ ଅନେକ ପ୍ରକାରର ହୋଇଥାଏ । ମଣିଷର ଆତ୍ମସୁରକ୍ଷାର ଭୟ ଯଦି ପ୍ରଥମେ ରହିବ ,  ତେବେ ଧନହାନୀ ଓ ସମ୍ମାନହାନୀକୁ ଯଥାକ୍ରମେ ଦ୍ବିତୀୟ ଓ ତୃତୀୟ ସ୍ଥାନରେ ରଖପାରିବା ।  ଉପରୋକ୍ତ ତିନୋଟି ଭୟର କାରଣକୁ ଜାଣି ନିରାକରଣର ଉପାୟ ଖୋଜିବା ସହଜ ନହେଲେ ମଧ୍ୟ ଅସମ୍ଭବ ନୁହେଁ । ଜୀବନ , ଧନ ଓ ସମ୍ମାନ ରକ୍ଷାପାଇଁ ମଣିଷ ମନରେ ସୃଷ୍ଟି ହେଉଥିବା ଭୟ ହେଉଛି ଜାଗତିକ ଭୟ । ଏଥିରୁ ମୁକ୍ତି ପାଇବାପାଇଁ , ଏହି ଜଗତରେ ହିଁ ମଣିଷ ବିଭିନ୍ନ ଉପାୟ ଖୋଜି ପାଇଛି ।  କେତେକ କ୍ଷେତ୍ରରେ ସମସ୍ୟାର ସମାଧାନ ସହଜରେ ମିଳିନଥାଏ କିମ୍ବା ସମାଧାନ ମିଳିବା ପୂର୍ବରୁ ହିଁ ଧନ , ସମ୍ମାନ ଓ ଜୀବନହାନୀ ହୋଇସାରିଥାଏ । ଏହି ଦୁଇଟି କାରଣରୁ ମଣିଷ ଅସହାୟବୋଧ କରିଥାଏ । ସେତିକିବେଳେ ସେ ଆଧୁଭୌତିକ ଜଗତର କୌଣସି ଅଜ୍ଞାତ ଶକ୍ତି ଅର୍ଥାତ ଦୈବୀଶକ୍ତି ଉପରେ ଭରସା କରିବାକୁ ଆଗେଇଯାଏ । କୌଣସି ତଥାକଥ୍ତ ଦୈବୀଶକ୍ତି ଦ୍ବାରା ଚମତ୍କାର ଭାବେ ସମସ୍ୟାର ସମାଧାନ ହୋଇଯିବାର ବିଶ୍ବାସ ମଣିଷକୁ ଦୁର୍ବଳ କରିପକାଏ । ସେଇଠୁ ଆବଶ୍ୟକ ପଡେ - ପଣ୍ଡା , ପୂଜାରୀ , ସାଧୁ , ସନ୍ୟାସୀ , ତାନ୍ତ୍ରିକ , ଗୁଣିଆ ଓ ଜ୍ୟୋତିଷମାନଙ୍କ ସାହାଯ୍ୟ । ଦୁଃଖୀ ମଣିଷ ଯାହାକୁ ଜ...

  ବିଶ୍ବାସକୁ ନୁହେଁ , ଭିରିହୀନ ବିଶ୍ବାସକୁ ଆଘାତ ଲାଗେ  ବିଗତ ଦିନ ମାନଙ୍କରେ ଧାର୍ମିକ ଅସହିଷ୍ଣୁତାର ଅନେକ ବିଭତ୍ସ ରୂପ ଦେଖିବାକୁ ମିଳିଛି । ବିଭିନ୍ନ ଧାର୍ମିକ ସଙ୍ଗଠନର ଧର୍ମାନ୍ଧ ଲୋକମାନେ ମାନବତାବାଦୀ , ମୁକ୍ତ ଚିନ୍ତକ , ବୁଦ୍ଧିଜୀବୀ ମହାନ ବ୍ୟକ୍ତିମାନଙ୍କୁ ନିର୍ମମ ଭାବେ ହତ୍ୟାକରି ଚାଲିଛନ୍ତି । ବୈଜ୍ଞାନିକ ଚିନ୍ତନକୁ ପ୍ରଚାର କରୁଥିବା ଏବଂ ଭିତ୍ତିହୀନ ରୂଢିବାଦୀ ପରମ୍ପରାକୁ ବିରୋଧ କରୁଥିବା ବୁଦ୍ଧିଜୀବୀମାନେ ପ୍ରତିଦିନ ଧର୍ମୋନ୍ମାଦ ଲୋକମାନଙ୍କ ଦ୍ବାରା ଅପମାନିତ ହେଉଛନ୍ତି ।  ଚିନ୍ତାର ବିଷୟ ହେଉଛି - ଭାରତରେ ଅନ୍ଧବିଶ୍ବାସକୁ ବିରୋଧ କରିବାର ଅର୍ଥ ଧର୍ମକୁ ବିରୋଧ କରାଯାଉଛି ବୋଲି କୁହାଯାଉଛି ।  ସେଥୂପାଇଁ ଅନ୍ଧବିଶ୍ବାସକୁ ବିରୋଧ କରୁଥିବା , ତର୍କଶୀଳ ବା ହେତୁବାଦୀ ବ୍ୟକ୍ତିଙ୍କୁ IPC ଧାରା 295 ( A ) ଅନୁସାରେ ଫସାଇ ଦିଆ ଯାଉଛି । ପ୍ରକୃତ କଥା ହେଉଛି - ହେତୁବାଦର ପ୍ରଚାର କେବଳ ବୈଜ୍ଞାନିକ ଦୃଷ୍ଟିକୋଣର ପ୍ରଚାର ।  ଭାରତୀୟ ସମ୍ବିଧାନର Article 51 , A ( H ) ଅନୁସାରେ ' ' ବିଜ୍ଞାନର ପ୍ରଚାର ଓ ପ୍ରସାର କରିବା ପ୍ରତ୍ୟେକ ନାଗରିକର ମୌଳିକ ଅଧିକାର ଏବଂ କର୍ତ୍ତବ୍ୟ ହେବା ଉଚିତ ।  ଧର୍ମୋନ୍ମାଦ ଲୋକମାନଙ୍କ ଦ୍ବାରା ହେତୁବାଦୀମାନଙ୍କ ଉପରେ ଆକ୍ରମଣର ତାଲିକା ବହୁତ ଲମ୍ବା । ଏଇ ଅଳ୍ପ କିଛି ତାଜା ଉଦାହରଣ ହେଉଛି - ପୁନାରେ ଡ଼.ଦାମୋଦର ଦାଭୋଲକର , ଆଉ କ...

ଯୋଗ କେତେ ଉପଯୋଗୀ ?  ମୁନି , ଋଷିଙ୍କ ଯୁଗପରେ ପରାଧୀନ ଭାରତରେ ଲୋକମାନେ ଶାରୀରିକ ଓ ମାନସିକ ଗୋଲାମୀର ସନ୍ତାପ ଭୋଗ କରୁଥିବା ବେଳେ ଯୋଗାଭ୍ୟାସ କରିବା ପ୍ରାୟ ଭୁଲି ଯାଇଥିଲେ । ଦେଶ ସ୍ବାଧୀନ ହେବାପରେ ହିଁ କିଛି ହିନ୍ଦୁ ଧର୍ମଗୁରୁଙ୍କ ପ୍ରଭାବ ବିସ୍ତାର ଲାଭକଲା । ସେହି ସମୟରେ କେତେଜଣ ସାଧୁ , ସନ୍ୟାସୀ ଯୋଗାଭ୍ୟାସକୁ ପ୍ରଚାର କଲେ । ତଥାପି ଯୋଗକୁ ବହୁଳ ଭାବେ ପ୍ରଚାର କରିବା ସମ୍ଭବ ପ୍ରଚଳନ ଯୋଗୁ , ଟିଭି ମାଲିକ ଓ ହୋଇନଥିଲା । ଗତ କିଛି ବର୍ଷ ତଳେ ଟେଲିଭିଜନର ଯୋଗଗୁରୁମାନଙ୍କର ପରସ୍ପର ବୁଝାମଣା ହୋଇ , ସାଧାରଣ ଲୋକମାନଙ୍କୁ ଯୋଗ ଓ ପ୍ରାଣାୟାମ ସମ୍ପର୍କରେ ସୂଚନା ପ୍ରସାରଣ କରାଗଲା ।  ଏହି ସମୟରେ ବାବା ରାମଦେବ ଆଗରୁ ଅଭ୍ୟାସ କରିଥିବା ହଠଯୋଗକୁ ବିଭିନ୍ନ ଶୈଳୀରେ ଟିଭି କ୍ୟାମେରା ଆଗରେ ପ୍ରଦର୍ଶନ କଲେ । ଏହି ଦୃଶ୍ୟ ଦର୍ଶକମାନଙ୍କୁ ଖୁବଶୀଘ୍ର ପ୍ରଭାବିତ କଲା । ଯୋଗର ଲାଭ ସମ୍ପର୍କରେ ବାବା ରାମଦେବଙ୍କ ଦ୍ବାରା ଏକ ମହତ୍ତ୍ଵ ପୂର୍ବ ସୂଚନା ଦିଆଗଲା ଯେ ଯୋଗ ସାଧନା ଦ୍ବାରା ସମସ୍ତ ପ୍ରକାର ବ୍ୟାଧୁରୁ ମୁକ୍ତ ହୋଇପାରିବ ।  ଟିଭି ଦର୍ଶକମାନଙ୍କ ଭିତରେ ଯୋଗପ୍ରତି ପ୍ରବଳ ଉତ୍କଣ୍ଠା ଜାତହେଲା । ବାବା ରାମଦେବ ରାତାରାତି ବିଖ୍ୟାତ ହୋଇଗଲେ । କୃଷକ ଓ ଶ୍ରମିକ ଶ୍ରେଣୀର ଲୋକମାନଙ୍କ ବ୍ୟତୀତ , ମାନସିକ ପରିଶ୍ରମ କରୁଥିବା ଏବଂ କିଛି ବି କାମ କରୁନଥିବା ଅଳସୁଆ ଲୋକଙ୍କ ଭିତରେ ଯୋଗ କରିବାପାଇଁ ସତେ ...

  ଅବିଶ୍ବସନୀୟ ପୌରାଣିକ ଆବିଷ୍କାର  ଅବିଶ୍ବସନୀୟ ପୌରାଣିକ ଆବିଷ୍କାର  ବିଜ୍ଞାନର ବିକାଶ ଯୋଗୁ , ପୃଥିବୀରେ ମାନବ ସଭ୍ୟତାର ପ୍ରଗତି ଘଟିଛି । ବିଜ୍ଞାନର ବିକାଶ ପାଇଁ ହଜାର ହଜାର ବର୍ଷ ଲାଗିଛି । ପ୍ରକୃତିର ରହସ୍ୟ ଜାଣିବା ପାଇଁ ପ୍ରତ୍ୟେକ ଯୁଗରେ ବୈଜ୍ଞାନିକ ଦୃଷ୍ଟିକୋଣ ରଖୁଥିବା କେତେକ ମହାମନିଷୀ ମନନ , ଅନୁସନ୍ଧାନ , ଅଧ୍ୟୟନ ଓ ଗବେଷଣା ହାର ସତ୍ୟତ ସନ୍ଧାନ କରି , ମଣିଷ ସମାଜକୁ ତଥ୍ୟ ସମର୍ପଣ କରିଛନ୍ତି । ସେମାନଙ୍କ ଦ୍ବାରା ପ୍ରମାଣିତ ତଥ୍ୟ ଗୁଡିକୁ ଅନ୍ୟ ବୈଜ୍ଞାନିକମାନେ ମଧ୍ୟ ବାରମ୍ବାର ପରୀକ୍ଷା କରି ସତ୍ୟ ହୃଦବୋଧ ହେବାପରେ ହିଁ ସମସ୍ତ ମାନବ ସମାଜ ବିଶ୍ବାସ କରିଛି ଏବଂ ନିଜ ଜୀବନ ଶୈଳୀରେ ପ୍ରୟୋଗ କରିଛି । ଏହାର ବିପରୀତ ଧର୍ମଗୁରୁମାନେ , ଧର୍ମଶାସ୍ତ୍ରରୁ ଉଦ୍ଧୃତକରି ଯେଉଁସବୁ କାହାଣୀର ଉଦାହରଣ ଦେଇ , କହୁଛନ୍ତି - ପୁରାଣ ଯୁଗରେ ଯାହା ଥିଲା , ଆଜିର ବିଜ୍ଞାନ ତାହାକୁ ବ୍ୟବହାର କରି ହିଁ ସବୁ ଉଦ୍ଭାବନ ବା ଆବିଷ୍କାର କରିପାରିଛି । ସେମାନେ ଦାବି କରୁଥିବା , କିଛି ଉଦାହରଣ ଉପରେ ଆମେ ବିଚାର କରିବା ।  1. ପୃଥିବୀର ଆଧୁନିକ ଜ୍ୟୋତିର୍ବିଦ ବୈଜ୍ଞାନିକମାନେ ଆଜି ପର୍ଯ୍ୟନ୍ତ ଅନ୍ୟ କୌଣସି ଗ୍ରହରେ ଜୀବସତ୍ତା ଅଛି କି ନାହିଁ ଖୋଜିପାରି ନାହାନ୍ତି । ଗବେଷଣା ଓ ଅନୁସନ୍ଧାନ ଚାଲିଛି । . ଧର୍ମବିଶ୍ୱାସୀମାନେ କୁହନ୍ତି - ହିନ୍ଦୁ ଧର୍ମଶାସ୍ତ୍ରରେ ତିନିଲୋକ - ସ୍ବର୍ଗ ଲୋକ , ମର୍ତ୍...

ଦାନବଙ୍କ ସୃଷ୍ଟି କେଉଁଠୁ ?   ମାନବ ସହିତ ସମଗ୍ର ପ୍ରାଣୀ ଜଗତର ସୃଷ୍ଟିକର୍ତ୍ତା ତଥାକଥିତ ' ଈଶ୍ୱର ' ବା ' ଗଡ଼ ' ବୋଲି ସାରାଦୁନିଆର ଲୋକମାନଙ୍କ ଏକ ବହୁମାନ୍ୟ ( ସର୍ବ ମାନ୍ୟ ନୁହେଁ ) ବିଶ୍ବାସ । ଏହା ସତ କି ମିଛ , ସେ ବିଷୟରେ ସମସ୍ତେ ସହମତ ହୋଇ ପାରୁ ନଥିବାରୁ ଏହି ବିଶ୍ବାସ ( ? ) ସର୍ବମାନ୍ୟ ହୋଇପାରୁନି । ସମସ୍ତ ଧର୍ମ ଶାସ୍ତ୍ରରେ ଲିଖ୍ତ ତଥ୍ୟକୁ ପ୍ରମାଣ ରୂପେ ଉପସ୍ଥାପନକରି ଧର୍ମଗୁରୁମାନେ ଦାବି କରୁଛନ୍ତି - ' ଈଶ୍ୱର ହିଁ ବିଶ୍ବ ବ୍ରହ୍ମାଣ୍ଡର ସୃଷ୍ଟିକର୍ତା ' ଏହାକୁ ନେଇ ପ୍ରଶ୍ନ ଉଠୁଛି - ଯଦି ଈଶ୍ବର ଏକ , ତେବେ ମଣିଷମାନଙ୍କ ପାଇଁ ଧର୍ମ ବା Religion ଅଲଗା ଅଲଗା କାହିଁକି ? ଧର୍ମୀୟକର୍ମକାଣ୍ଡ ଓ ପୂଜା ପଦ୍ଧତି ଅଲଗାକାହିଁକି ? ସମସ୍ତ ଧର୍ମ ଏକାଭଳି ନୁହେଁ କାହିଁକି ? ଏହାର ତର୍କସଙ୍ଗତ ଉତ୍ତର କାହାରି ପାଖରେ ନାହିଁ । ଅନ୍ୟପକ୍ଷରେ ବିକଶିତ ବିଜ୍ଞାନ ଦ୍ବାରା ପରୀକ୍ଷା ଓ ନିରୀକ୍ଷା କରି ବୈଜ୍ଞାନିକମାନେ ଦାବି କରୁଛନ୍ତି ' ବିବର୍ତ୍ତନବାଦ ' ଯୋଗୁ ବିଶ୍ବର ସୃଷ୍ଟି ସମ୍ଭବ ହୋଇଛି । ବିବର୍ତ୍ତନବାଦ ବିଭିନ୍ନ ବୈଜ୍ଞାନିକ ପଦ୍ଧତିରେ ଗବେଷଣା ହୋଇ ଆଜି ସମଗ୍ର ଦୁନିଆରେ ସତ୍ୟ ରୂପେ ପ୍ରମାଣିତ ହୋଇସାରିଲାଣି । ତଥାପି କେତେକ କଟର ଧାର୍ମିକ ଗୋଷ୍ଠୀ ପୂର୍ବରୁ ଲିଖ୍ ଧର୍ମଶାସ୍ତ୍ରର ତଥ୍ୟ , ଯାହା ଅବିଶ୍ୱାସନୀୟ , ଅତାର୍କିକ ଓ ଅବୈଜ୍ଞାନିକ ଜଣା ପଡୁଥିଲେ ମଧ୍ୟ ...

  କର୍ମ ସିଦ୍ଧାନ୍ତ ଓ ସମାଜ ଗଠନ  ମଣିଷ ସମାଜପାଇଁ କିଛି ଗୁରୁତ୍ବ ପୃଷ୍ଠି ପ୍ରଶ୍ନ ହେଉଛି - ଗୋଟିଏ ସୁସ୍ଥ ଓ ସମୃଦ୍ଧ ସମାଜ ଗଠନ ପାଇଁ କିଏ ଦାୟୀ ? କିଏ ଏହି ବ୍ୟବସ୍ଥା ତିଆରି କରିଛି ? ଏଥ୍‌ରେ ସମୟାନୁସାରେ ପରିବର୍ତ୍ତନ କିପରି ଆସେ ? କିଏ ଏହି ପରିବର୍ତ୍ତନ କରେ ?  ଏହିସବୁ ପ୍ରଶ୍ନର ଦେବାକୁ ଦୁନିଆର ଅନେକ ଦାର୍ଶନିକ , ସମାଜଶାସ୍ତ୍ରୀ , ଐତିହାସିକ ଏବଂ ଧର୍ମଗୁରୁମାନେ ନିଶ୍ଚୟ ଅକ୍ଲାନ୍ତ ପ୍ରୟାସ କରିଛନ୍ତି କିନ୍ତୁ ଯିଏ ମଧ୍ୟ ଏହି ବିଷୟରେ ଯେତିକି ଅଧ୍ୟୟନ କରିଛନ୍ତି , ସେମାନେ ସେତିକି ବିଭ୍ରାନ୍ତ ହୋଇଛନ୍ତି । କାରଣ ପ୍ରଶ୍ନ ଗୁଡିକର ତଥ୍ୟ ମୂଳକ ଉତ୍ତର ଦେବା କଷ୍ଟକର ହୋଇ ପଡିଛି । ପ୍ରତ୍ୟେକ ବ୍ୟକ୍ତି ଏହି ବିଷୟରେ ନିଜ ନିଜର ଜ୍ଞାନର ସୀମା ଓ ଦୃଷ୍ଟିକୋଣରୁ ହିଁ ବିଚାର କରିଛନ୍ତି । କେତେକ ବିଚାର ମୂଳରେ ସେମାନଙ୍କର ନ୍ୟସ୍ତ ସ୍ବାର୍ଥ ଥିବା ଭଳି ମଧ୍ୟ ଲାଗୁଛି । ହୁଏତ ସେଇଥୂପାଇଁ , ଏଭଳି ସିଦ୍ଧାନ୍ତ ପ୍ରତିପାଦିତ କରି ଦିଆଯାଇଛି , ଯାହା ଦ୍ବାରା , ସାମାଜିକ ବ୍ୟବସ୍ଥା ସ୍ଥାୟୀ ରୂପେ କାମକରିବ ଏବଂ ଏହି ବ୍ୟବସ୍ଥାକୁ ନେଇ କୌଣସି ବାଦ ବିବାଦ ହେବନାହିଁ । ବ୍ୟବସ୍ଥାକୁ ପ୍ରଚଳନ କରିଥିବା ଗୋଷ୍ଠୀର ସ୍ବାର୍ଥ ସାଧନ ହୋଇପାରିବ । କେତେକ ସ୍ଥଳରେ ଦେଖାଯାଇଛି , ବୈଜ୍ଞାନିକ ସିଦ୍ଧାନ୍ତକୁ ମଧ୍ୟ କାଳାନ୍ତରରେ ସମ୍ପୂର୍ଣ୍ଣ ଓଲଟା ଅର୍ଥରେ ପ୍ରତିପାଦିତ କରି ଦିଆଯାଇଛି । ଯାହାଦ୍ବାରା ସ୍ବାର୍ଥନ୍ୱ...

  ଚାରି ଯୁଗ ଓ ଅବତାରବାଦ  ହିନ୍ଦୁଧର୍ମଶାସ୍ତ୍ର ଅନୁସାରେ ବ୍ରହ୍ମାଣ୍ଡରେ ଚାରିଗୋଟି ଯୁଗର ପ୍ରଚଳନ ହେଉଛି -  1.ସତ୍ୟଯୁଗ , 2.ତ୍ରେତୟାଯୁଗ , 3. ଦ୍ୱାପରଯୁଗ ଏବଂ 4.କଳିଯୁଗ ।  ଯୁଗମାନଙ୍କର ସମୟସୀମା ନିମ୍ନ ମତେ ନିର୍ଦ୍ଧାରଣ କରାଯାଇଛି ।  1000 ବୈଦିକ ବର୍ଷ = 43 , 2000 ପୃଥ୍ବୀ ବର୍ଷ ( ଆଧୁନିକ ଯୁଗର ହିସାବ )  ଅର୍ଥାତ ଏକ ବୈଦିକବର୍ଷ , ଏହି ଯୁଗର 432 ବର୍ଷ ସହିତ ସମାନ ।  ସତ୍ୟଯୁଗ ସବୁଠାରୁ ଦୀର୍ଘକାଳ ଥିଲା । ସତ୍ୟଯୁଗ କଳିଯୁଗ ଠାରୁ ଚାରିଗୁଣ ( 17,28,000 ) ବର୍ଷ ,  ତ୍ରେତୟାଯୁଗ ତିନିଗୁଣ ( 12,96,000 ) , ଏବଂ ହାପର ଦୁଇଗୁଣ ( 864,000 ) ବର୍ଷ ଥିଲା ।  କଳିଯୁଗ ସବୁଠାରୁ କମ ( 43,2000 ) ବର୍ଷ । 10,000 ବୈଦିକ ବର୍ଷକୁ ମହାଯୁଗ କୁହାଯାଏ ।  ଅର୍ଥାତ 432,00,000 ପୃଥ୍ବୀ ବର୍ଷ ପରେ ପୁଣି ସତ୍ୟ ଯୁଗ ଆରମ୍ଭ ହେବ । ଅସଲ କଥାହେଉଛି ଯେ କୌଣସି ଯୁଗର ଆରମ୍ଭ କେବେ ହୋଇଛି ଓ ଶେଷ କେବେ ହୋଇଛି କେଉଁଠି ଲେଖା ଯାଇନାହିଁ । କାରଣ ସେତେବେଳେ ତିଆରି ହୋଇଥିବା କୌଣସି କ୍ୟାଲେଣ୍ଡର ତ ନାହିଁ । ତେଣୁ ଦ୍ବାପର ଯୁଗ କେବେ ସରିଲା ଓ କଳିଯୁଗ କେବେ ଆରମ୍ଭ ହେଲା ଜଣାନାହିଁ ।  ଏଇଠି ପ୍ରଶ୍ନ ଉଠୁଛି - ସତ୍ୟଯୁଗରେ ପ୍ରଥମେ ବୈଦିକବର୍ଷର ଗଣନା କେମିତି ହୋଇଥିଲା ? କାରଣ ବର୍ଷ ଗଣନାପାଇଁ ନିମ୍ନତମ ସମୟର ମାପ ଏକକ ( Unit ) ନିହାତି ଆବଶ୍ୟକ ...

ହିନ୍ଦୁ ଶବ୍ଦର ଐତିହାସିକ ତଥ୍ୟ   ବର୍ତ୍ତମାନ ଭାରତରେ ହିନ୍ଦୁ ଶବ୍ଦକୁ ନେଇ ଅନେକ ପ୍ରକାର ବାଦ - ବିବାଦ ଚାଲିଛି ।  ହିନ୍ଦୁ ଏକ ଧର୍ମ ଓ ତା'ର ସଂସ୍କୃତି ହେଉଛି ହିନ୍ଦୁ ସଂସ୍କୃତି ବୋଲି ବହୁଳ ଭାବେ ପ୍ରଚାର ଚାଲିଛି ।  ଆମର ହିନ୍ଦୁ ଧର୍ମ ଓ ହିନ୍ଦୁ ସଂସ୍କୃତି ବର୍ଗମାନ ଧ୍ଵଂସ ହେବାକୁ ଯାଉଥିବା କଥା ମଧ୍ୟ ପ୍ରଚାର ହେଉଛି ।  ଏହାକୁ ସାଧାରଣ ଲୋକ ନିଜର ଅସ୍ଥିତାର ପ୍ରଶ୍ନ ଭାବେ ମଧ୍ୟ ନେଉଛନ୍ତି ।  କିନ୍ତୁ ଆମ ଦେଶର ବିଦ୍ବାନ ଓ ପଣ୍ଡିତମାନେ ମାନିଲେଣି ଏକ ଧର୍ମ ନୁହେଁ ବରଂ ଏହା ଏକ ଜୀବନପଦ୍ଧତି ।  ମାନନୀୟ ସୁପ୍ରିମକୋର୍ଟ ମଧ୍ୟ ଏହା କହିଛନ୍ତି ।  ଆସନ୍ତୁ ଦେଖିବା - ହିନ୍ଦୁ ଶବ୍ଦର ଅସଲ ଅର୍ଥ ଓ ଆରମ୍ଭର ଇତିହାସ । ପ୍ରଥମେ ଆମେ ଦେଖିବା ଆମର ବହୁମାନ୍ୟ ଧର୍ମଶାସ୍ତ୍ରମାନଙ୍କରେ କେଉଁଠି ହିନ୍ଦୁଶବ୍ଦଟି ଅଛି ? ପଣ୍ଡିତମାନେ ହିଁ କହୁଛନ୍ତି - କେଉଁଠି ମଧ୍ୟ ନାହିଁ । ବେଦ , ଉପନିଷଦ , ମନୁସଂହିତା , ରାମାୟଣ , ମହାଭାରତ , ଗୀତା , ଭାଗବତ ଓ ଅନ୍ୟାନ୍ୟ ପୁରାଣରେ ହିନ୍ଦୁ ଶବ୍ଦର ଉଲ୍ଲେଖ ନାହିଁ ।  ଧର୍ମ ଶାସ୍ତ୍ରରେ ଆର୍ଯ୍ୟ ଶବ୍ଦର ବହୁଳ ବ୍ୟବହାର ହୋଇଛି । ମର୍ଯ୍ୟାଦା ପୁରୁଷ ରାମଚନ୍ଦ୍ରଙ୍କୁ ଆର୍ଯ୍ୟପୁତ୍ର , ମହାଭାରତର ସମସ୍ତ ମହାନାୟକମାନଙ୍କୁ ( କେବଳ କୃଷ୍ଣଙ୍କ ବ୍ୟତୀତ ) ଆର୍ଯ୍ୟ ବୋଲି ଉଲ୍ଲେଖ ଅଛି । ଅର୍ଥାତ ସେତେବେଳେ ହିନ୍ଦୁ ନୁହେଁ ଆର୍ଯ୍ୟବର୍ଗ ଧ...